بسم الله الرحمن الرحيم
السلام عليكم ورحمة الله وبركاته
يطل علينا قريبا شهر فضيل شهر القران وشهر المغفرة شهر رمضان الكريم . ومع هذه الاطلالة
يطل علينا عضو كريم عضو من افراد قبيلتنا شاعر واديب .يطل علينا بكرمه المعهود بمصافحة جميلة
ويهدي هذه المصافحة والأطلالة الرائعة مجالس القبيلة واعضاءها وجميع افراد قبيلة العصمه .
هو الشاعر سعود بن فلحان النداح العصيمي
فاهلا وسهلا به في مجالس قبيلتنا قبيلة العصمه
قصيدة المجالس
إهداء إلي القائمين علي موقع مجالس قبيلة العصمه الرسمية كإطلالة أولي ومنه إلي كل فرد من افراد عزوتي الاد عاصم ( قطمان المحازم ) وإلي جمهور ومحبي ومتابعي الموقع المشرف بإذن الله تعالي
سلام يأهل المجالس والكلام البديع=تسليمة قبل أذيع حروفها ذاعها
قلب يحفظ الأمانه مثل حفظ الوديع=ويصونها بالوفا من دون طماعها
وسلام ياعزوتي يا الاد عاصم جميع=ياعزوة تكسب الطالات بذراعها
ياأهل الكرم والشهامه والمكان الرفيع=والجيره اللي يموت الجارماباعها
ويوم انها تبدي الغارات مع كل ريع=وانتم حماة المواقف وانتم سباعها
وكم فارس خرمن قطم المحازم صريع=والروح من حرمابه في الوغى زاعها
وكم سربةعودت كالشن يقرع قريع=من هيبة مقابلتكم شوفكم راعها
أفعال ثبت وينقلها الكهل للرضيع=وشهودها في جميع الأرض وبقاعها
والمجديبقى على طول الدهر مايضيع=لاصار دونه رجال راهي باعها
ومجالس الاد عاصم جهد أهلها فضيع=حتى أصبحت تلفت الأنظار بابداعها
فيها الحكم والنصائح والكلام السنيع=وفيها القصص مع علوم الطيب بانواعها
ومجالس العز والنوماس مثل الربيع=تطيب منه النفوس وتسلم اوجاعها
وحبيت اشارك مع أهل العرف وبمااستطيع=وسفينتي فالبحوروعالي شراعها
ومقصودي الوافيه والطيبه والنفيع=ما ألد لأنصاف سلعتها ولا أرباعها
ويا الله يا الله يالرب العظيم السميع=ربعي تزود علي الطاعة تجماعها
امثال ماصار بالهيلا وحول السريع=يوم كل اجاب الدعوة وطاعها
وصار اجتماع يشوق الروح حبله متيع=وأثبت حسن معدن أهل الجود وطباعها
نبراس يبقى بروس الناس يلمع لميع=وأهل الحقايق تعد الصدق لأتباعها
وصلاة ربي علي الهاد البشير الشفيع=مخزي ظلال أمته ومعدل أوضاعها
شعر واطلالة
سعود بن فلحان النداح
« آخـــر الــمــواضــيــع »
الإهداءات
قصيدة المجالس ( الشاعر سعود النداح )
العرض العادي
