المساعد الشخصي الرقمي

مشاهدة النسخة كاملة : عيوووووووون ضاوي

عفار
08-16-2009, 12:21 PM
يوم ابتدت لعبت الدكتور بعيونـي
وحضّر جهازه واداوتـه مبريهـا
سألت ربي ذليـلٍ شاحـبٍ لونـي
يالله وداعتـك بعيونـي تعافيـهـا
اخاف من ( ليزره ) لايخترق نوني
والا خطا يرخي المشرط ويعميهـا
والا فضول الطبيب يبيح مكنونـي
يقعد يفتّش ويلقـى صـورةٍ فيهـا
صوره عزيزه مثبتهـا لمظنونـي
داخل عيوني عن الدنيـا مخبيهـا
للي الا حل ذكره جنـت جنونـي
اومي بيمنـاي للجـوزا واناديهـا
خلٍ غيابه شقاي ومنبـع حزونـي
شرايده صورة لايمكـن اصخيهـا
اعنف يادكتور همي واعمق طعوني
أن كان وسوس لك الشيطان تخفيها
والا تعبّث بهـا وتخيّـب ظنونـي
والا على غفله الاسـرار تفشيهـا
ويدري بها عالمٍ منزالهـم دونـي
اضعوف الانفس قريباتٍ حراويهـا
سري وداعتك وانت اليوم ماموني
مهنتك معنى الامانه وانت راعيهـا
استر ماواجهت يادكتـور بعيونـي
تكسب جميله وانا مانـي بناسيهـا



ااسرار عيون ضاوي العصيمي
عفار
08-16-2009, 01:21 PM
عيون بن فطيس
وش قال
================

(يامؤمن الريفـي )انـا جيتـك زبـون
جيتك على مدح اكثـر النـاس وعنيـت

جيـت وتعالـى الله عمّـا يشـركـون
لولاه (يامؤمـن) لطبـك مـا اهتديـت

راضي بحكـم الله علـي مهمـا يكـون
عالج عيوني لـو بعـد طبـك عميـت


ودي اخاشر فالبصـر مـن يبصـرون
واشوف دربي لا سرحـت ولا ضويـت

والى قنصت اثبت مـع اللـي يثبتـون
واشوف طيري كل ما اوميـت ودعيـت

ياااكثر ما يضـرب خويـي (الطابلـون)
من كثـر مـا اكلّتـه مطبـاات وكليـت

وودي اشـوف اللـي علـي يعرضـون
وبعض الليالي ودي اسـري دون ليـت

وااشوف نـاس ٍ فالقفـا مـا يرحمـون
امـا وقفـت لصاحبـي والا مشـيـت

مـن دون نظـاره ولا هـم يحـزنـون
يااا كثر ما كسّـرت كشمـات وشريـت

لكـنٌ يـا دكتـور جعلـك مـا تهـون
ابغيك كلمـت راس دامـك مـا بديـت

اسمع......ولا ابغي اللي وزانك يسمعون
ربي كتب يكشف لك اسـراري وجيـت

صورة عديل الـروح عنـدك فالعيـون
واخاف تقطعهـا بموسـك مـا وعيـت

ولا عليك امر..اطوهـا تحـت الجفـون
وعقبه لو تقطـع عيونـي مـا شكيـت

هي راس مالي والعـرب مـا يدركـون
اني على بـاب الممـات و مـا حكيـت

ياقـو قلبـي يـوم قـفـن الضـعـون
اللـي علـى ذاك المـوادع مـا بكيـت

ويا صبر صبـري والعـواذل يحسبـون
اني دلهـت مـن الهـوى والا سليـت

اسكت عساهم مـن سكاتـي يسكتـون
وانا عن اللي في ضميري مـا انتهيـت

وادور الفرحـه مـع اللـي يسهـرون
وان ذكرونـي خـذت فنجـال وسريـت

اخذت من وقتـك يـا دكتـور العيـون
عالج عيوني لـو بعـد طبـك عميـت

واستر علي واللـي معـك لا يفطنـون
انت الوحيـد اللـي بعـد ربـي دريـت




مـحـمــد بـــــن حــمـــد
الحد
08-16-2009, 02:28 PM
صح لسان الشعار

وسلمت يمينك ياعفار

ولك تحيات الحد بالليل والنهار
ابوسلطان
08-16-2009, 02:52 PM
سلمت ياعفار علي النقل الطيب
الحسام
08-16-2009, 04:44 PM
بارك الله فيك نقل فريد ومفيد شكرا لك وتحيتي
عفار
08-28-2009, 04:55 PM
شكرا لمرور الوجيه النيره
مشعل ابوشريط
08-28-2009, 05:48 PM
سلمت عيون ضاوي ... وسلمت أنامل عفار

... دمت بود ...
الصيـ 511 ـاد
10-07-2009, 02:58 AM
مشكور
و الله يعطيك العافيه
ولا تحرمنا من ابداعك
سعود فلحان النداح
10-07-2009, 05:42 AM
بارك الله فيك أخي عفار والله يوفقك على ماتبذل من جهود
لإثراء ذائقتنا بهذه الدرر والروائع الجميلة والمتشابهة في سرها
صح لسان الشاعرالرائع / ضاوي العصيمي وتسلم عيونه ومافيها
وصح لسان الشاعر المبدع / محمد بن حمد بن فطيس المري وتسلم عيونه ومافيها
وتقبل مروري وتحياتي
ودمت بخير ,,,,