سطام الهيلا
07-07-2011, 10:55 PM
هذة القصيدة أرسلتها بتاريخ 7/12/1430هـ إلى الشاعر والراوي المعروف بإذاعة دولة الكويت وهو الشاعر ماطر العايضي العصيمي ( أبو تركي ) حيث أن هذا الشاعر بمثابة عمي وكان لي الشرف بأن رد علي فمثله يستفاد من جزالته الشعريه ومخزونه الثري بمعرفة القبائل والقصص التي تجهلنا كثيرا ً ولكنه أكتفى بأن امتدح القبيلة كامله دون التفاصيل ولربما كان وراء ذلك أمرا ً يغيب عني فكما قيل اللي أكبر منك بيوم أعلم منك بسنه وبيض الله وجه أبو تركي ومن يرد .
قصيدتي :
سلام ياراع البيوت الفرايد // ياحابك المعنى ويابادع القاف
سلام ياشيخ ٍ وسيع البنايد // يالشاعر اللي للمواجيب عراف
من خاطر ٍ مافيه غل ومكايد // أنقى من اللي في دجى الليل ينشاف
من نسل منهم ينطحون الشدايد // نسل الحرار اللي على روس الأشراف
محمد ولد ضاوي ولانيب محايد // مار العلوم الغانمه عنده آلاف(والدي اطال الله في عمره)
والطيب طيب اللي على الناس زايد // وأنتم هلي في داركم خير مضياف
يامزبن الزابن نهار النكايد // وقت ٍ على الزابن لياليه تنعاف
وأنا أحمد الله ماشكيت اللهايد // من خلقتي في ظل منهو لنا لحاف
ودي بنظمك والبيوت الجدايد // حيثك عمود الشعر ومتون الأطراف
هندب وغن من المعاني قصايد // يطرب لها المشحون ولا كن به خلاف
عطنا تواريخ السلف والبدايد // دامك على المذياع راوي للاسلاف
تاريخ منهم ساكنين اللحايد // قوم ٍ على الطاغي طواغيت واصلاف
عدوهم مكسور ولاهوب فايد // طبع ٍ لأبن عاصم شغاميم ونظاف
..............................................
............................................
ولاتهون جميع القبائل،،،
ويحق للرجل أن يفتخر بأبيه ويفتخر بنسبه ووطنه
أما رد شاعرنا أبو تركي :
أمس الضحى بالعيد جاني معايد // وفزيت له فزة وليف ٍ لميلاف
عيد ٍ عسى مثله على الحول عايد // كلٍ يعايد صاحبه مابه خلاف
يامرحبا به عد زرع الحصايد // وعداد من لبى على البيت واطاف
سطام لحقني طروش المدايد // وعرضني الطرقه على خط الأطراف
قبله وأنا فكري عن الشعر هايد // شعر ٍ تعلق فيه من كل حذاف
شبو على الشعر الأصيل الوقايد // وحطوه سلعة بيع من كل الأصناف
وقمت أتقصى للبيوت الشدايد // وأبحث عن الجزلات في كل مشراف
كود إني ألقى صيدة ٍ قبل صايد // وأفوز في صيد الجوازي بالأرياف
ولا لقيت الا العناء والنكايد // شامن لكم ياشوق منبوز الأرداف
(مبالغه من شاعرنا الجزل )
وشابت لحانا والمعاني تحايد // أحاول أجمعها على كل ميقاف
يابو محمد لا تبيح السدايد // أطلع بعيد وغط معناك بلحاف
ربعك عتابه مايبون الشهايد // للضيف كيف وللعدى سيوف ٍ رهاف
وترى التجارب يالبناخي فوايد // أغنم مع الغانم ولا تسرف اسراف
دنيا ً تغربل كل فاهم وقايد // لو أقبلت يومين عجله بالإنكاف
صح لسان شاعرنا أبو تركي ،،،
وسلامتكم ،،
قصيدتي :
سلام ياراع البيوت الفرايد // ياحابك المعنى ويابادع القاف
سلام ياشيخ ٍ وسيع البنايد // يالشاعر اللي للمواجيب عراف
من خاطر ٍ مافيه غل ومكايد // أنقى من اللي في دجى الليل ينشاف
من نسل منهم ينطحون الشدايد // نسل الحرار اللي على روس الأشراف
محمد ولد ضاوي ولانيب محايد // مار العلوم الغانمه عنده آلاف(والدي اطال الله في عمره)
والطيب طيب اللي على الناس زايد // وأنتم هلي في داركم خير مضياف
يامزبن الزابن نهار النكايد // وقت ٍ على الزابن لياليه تنعاف
وأنا أحمد الله ماشكيت اللهايد // من خلقتي في ظل منهو لنا لحاف
ودي بنظمك والبيوت الجدايد // حيثك عمود الشعر ومتون الأطراف
هندب وغن من المعاني قصايد // يطرب لها المشحون ولا كن به خلاف
عطنا تواريخ السلف والبدايد // دامك على المذياع راوي للاسلاف
تاريخ منهم ساكنين اللحايد // قوم ٍ على الطاغي طواغيت واصلاف
عدوهم مكسور ولاهوب فايد // طبع ٍ لأبن عاصم شغاميم ونظاف
..............................................
............................................
ولاتهون جميع القبائل،،،
ويحق للرجل أن يفتخر بأبيه ويفتخر بنسبه ووطنه
أما رد شاعرنا أبو تركي :
أمس الضحى بالعيد جاني معايد // وفزيت له فزة وليف ٍ لميلاف
عيد ٍ عسى مثله على الحول عايد // كلٍ يعايد صاحبه مابه خلاف
يامرحبا به عد زرع الحصايد // وعداد من لبى على البيت واطاف
سطام لحقني طروش المدايد // وعرضني الطرقه على خط الأطراف
قبله وأنا فكري عن الشعر هايد // شعر ٍ تعلق فيه من كل حذاف
شبو على الشعر الأصيل الوقايد // وحطوه سلعة بيع من كل الأصناف
وقمت أتقصى للبيوت الشدايد // وأبحث عن الجزلات في كل مشراف
كود إني ألقى صيدة ٍ قبل صايد // وأفوز في صيد الجوازي بالأرياف
ولا لقيت الا العناء والنكايد // شامن لكم ياشوق منبوز الأرداف
(مبالغه من شاعرنا الجزل )
وشابت لحانا والمعاني تحايد // أحاول أجمعها على كل ميقاف
يابو محمد لا تبيح السدايد // أطلع بعيد وغط معناك بلحاف
ربعك عتابه مايبون الشهايد // للضيف كيف وللعدى سيوف ٍ رهاف
وترى التجارب يالبناخي فوايد // أغنم مع الغانم ولا تسرف اسراف
دنيا ً تغربل كل فاهم وقايد // لو أقبلت يومين عجله بالإنكاف
صح لسان شاعرنا أبو تركي ،،،
وسلامتكم ،،