مجــاراة للشاعر حجب بن ردن ,,, النااااايف

[النايف]

اعجبتني ابيات حجب بن ردن وجاريتها بابيات

عسى ان ترتقي لابيات شاعرنا ابا تركي

والعذر منه لاني كتبتها على الجهاز ونزلتها

وأبياته على هالرابط لمن لم يشاهدها

http://www.m-al3smah.com/vb/showthread.php?t=3535




للشعر بصدور الرياجيل تبجيل = لاصار فيه ابداع فكر وذرابه
قاف ٍ لابوتركي يشوش الرياجيل= يشوش راسي يوم نقرأ عذابه
فصلتها يالقرم تفصيل تفصيل = وأرقيتها بين السماء والسحابه
تحليل شاعر مايجي معه تحليل=غـنــّى لها المسحوب جرّ الربابه
وانا بجاري محرقين المعاميل= وابدي على رجم ٍ حجب قد رقابه
بعزف من بحور القوافي مواويل= قاف ٍ على كبدي قراح ٍ شرابه
يطيب شربه للرجال المشاكيل= يفرح به الطرقي ليامن سرابه
كيله من إخيار المعاني يجي كيل = من قدح راسي ماخذيته نهابه
وماكل بذر ٍ ينجني له محاصيل =ولاكل من هاز المشوهق رقابه
الوقت جاين فيه ياصاحبي ميل= الحر تقصـّر سطوته من غرابه
تشوف بعيونك وتسمع مواويل =وإن ماتطيع الوقت سنن حرابه
ماعاد هي من فيد دله ولاحيل = راجع رصيد البنك واللي بقابه
لاجاك راع المال جو له مقابيل = وإن قلت هذا عيب تنبح كلابه
لكن ربي يصلح الحال والميل = والعذر لو قافي قصرفي جوابه

[مشعل ابوشريط]

ابوخالد ... صح لسانك واعتلا شانك ...
حجب بن ردن ...
النايف ...
لاعدمناااكم ...ياعمالقة الشعر ...

... دمتو بود ...

[حجب العصيمي]

أخي الكريم / النايف صح لسانك واعتلا شأنك أبيات مميزه ذات مدلول هادف من شاعر مميز مثلك وسعدت كثيرا بمرورك ومجاراتك وبوجودك في هذا المنهل العذب ( مجلس قبيلة العصمة ) ويعلم الله انك دوما على البال ولكن هذه ظروف الحياه اتمنى ان تكون بخير وسعاده عزيزي نياف الله لا يهينك وتقبل تحياتي ,,,

[الحد]

كيله من إخيار المعاني يجي كيل = من قدح راسي ماخذيته نهابه

[/poem]

أخي النااايف صح لسانك وسلم هالرأس وسلم راعيه
وصح لسان الشاعر حجب الذي حرك مشاعر النايف وأنتج هذه الدره

[ابوسلطان]

ابو خالد صح لسانك على هذه المجاراة التي لاتنقص عن رائعة حجب ... هذا وانت كاتبها على الجهاز وعلى عجالة .. ادامك الله ياابو خالد وخبري لايثيرك غير الصافي من الشعر والامثال وبارك الله في حجب ورائعته التي حركت قريحة الناااائف .. تقبل مشاركة اخيك على عجالة

[عفار]

ماعاد هي من فيد دله ولاحيـل @@ راجع رصيد البنك واللي بقابـه
لاجاك راع المال جو له مقابيـل @@ وإن قلت هذا عيب تنبح كلابـه
لكن ربي يصلح الحـال والميـل @@ والعذر لو قافي قصرفي جوابـه





صح لسانك

وهذه حقيقه إجتماعيه إنتشرت واعجبني الشطر (!!!!!)

[مشعل بن صنت العصيمي]

النايف
مجاراة جزلة

وصح الله لسانك ملاااااايين000تقديري لك

[الحر الصائد]

(( أخــ الناااايف ــي ))
بيض الله وجكـ وصح لساانكـ 000
مجاراه جزله من شاااعر جزل 000 ويستاهلون شعرائنا من يجاريهم
ابا ردن او البااقين 000 وذلكـ لجزالتهم ومعانيهم الساميه والرفيعه 000
وأسمحلي بأن انتهز الفرصه لاعبرعن مافي داخلي لكـ شخصياً او لاخواني
الشعراء
----------------------------------------

همسه من القلب لاخواني الشعراء في المجالس من غير تحديد000
اقول وبكل امانه انا وغيري فخورين بكم وبما تقدمون من جزل فعندما اقرا
لاحدكم جوهره من بنيات فكره وأسترسل في قراءتها والتتالي في الابيات فـ أجدها
تنحدر كتابياً فقط ولكن تسمو وتعتلي في معانيها وجزالتها حتى تلامس اعلى القمم
وهذا ليس بغريب عليكم فأنتم للجزالة اهل وللشعر موطن 000
لذا وجب على ان اقدم لكم شكري وتقديري مع تمنياتي للجميع بالتوفيق والنجاح
ودام الجميع بخير,,,,,,,,,,,,,,,,,,,,,,,,,,,,,,,,,,,,

[صقر511]

الــــنــــــايــــف
اجزلت معنى وقاف وافي من شاعر محنك صح لسانك ومنطوقك

[ماجد نايف العصيمي]

ابوخالد ... صح لسانك

[فواز بن نايف]

النايف صح لسانك

[سعود فلحان النداح]

أخي العزيـــز أبوخالد الله يعطيـــــــك العافيــــــــــــة
ويطول عمرك على هالمجاراة الجـزلة والرائعة وكعادتـك , والله يبارك فالأخ العـزيـز / حجب العصيمي
وفي قصيدته الجـزلة والرائعـة والتي داعـبـت مشاعـرك واستنهـضت هاجسـك , صح لسانـــك وإعـتلا شانـك
وبيض الله وجهك ودائمآ وأنت سامي ونايف الشموخ ولاتأتي الا بالجواهر والدرر الثميـنه
تحياتي لكـ بلا حدوووووووووووووووووود
ودمت بخيـــــــــــــــر,,,,,,,