مشاهدة النسخة كاملة : ظالم التاريخ
عقاب بن عبيد
04-12-2010, 09:36 PM
مادريت ان الزمان يدور بوش
والجبال الشامخة ترجع هشاشه
صار ولد اللاش في اللازم يشوش
والحرار الصيرميه في عشاشه
ياقصيدة قلب شاعرك مخروش
ممتلا بالغيض من ماشاف جاشه
والله اني من رجالا ما تحوش
غير فعل الطيب ومزارق دهاشه
انشد الحرة مقاديم الجيوش
وانشد العارض يفصل في نقاشه
بس انا شفت الوزا بين الرموش
صار نقال الزمن يطوي فراشه
اصبحت عقب الحقايق ظلم بوش
والصراحة قولها فيه اندهاشه
ماقصدت الا محرفة النقوش
ظالم التاريخ عجل يانعاشه
ابوسلطان
04-12-2010, 11:24 PM
والله اني من رجالا ما تحوش
غير فعل الطيب ومزارق دهاشه
انشد الحرة مقاديم الجيوش
وانشد العارض يفصل في نقاشه
كفو كفو كفو ياابن عاصم وصح لسانك واعتلا شانك ولا تتعجب في هذا الزمان
صار ولد اللاش في اللازم يشوش
والحرار الصيرميه في عشاشه
الله
الله
الله
كفوووووووووووووووووووووووووووو
رهيب يابو عبيد
صقر511
04-13-2010, 08:45 AM
صح لسانك يــاعـــقـــــاب
عقاب عبيد
صح لساااااانك وطوّل الله عمرك
سعود فلحان النداح
04-13-2010, 01:43 PM
والله انــي مـن رجـالا ما تحـوش
غير فعل الطيب ومزارق دهاشه
انـشـد الحــرة مقـاديم الـجـيــوش
وانشد العارض يفصل في نقـاشه
أخي العـزيـز عقاب بن عبيد الله يعـطـيــــك العافـيـــــة
وصح لسانك واعتلا شانك وبيض الله وجهك على هذه القصيدة الجميلة والجزلة والرائعة
عودة موفقة بعد الإنقطاع وطبقت المثل القائل من طول الغيبات جاب الغنايم وأوافقك الراي
في كثرة العجب العجاب في قيم ومبادىء ومفاهيم الناس في هذا الزمان ولكن ومع كل ذلك
يبقى للرجال الطيبين أهل الخير وجودهم ومواقفهم الثابتة وأفعالهم الشامخة والراسخة والمميزة
ننتظر منك المزيد من هذه الروائع الأدبية وبالله التوفيـــــــــــــــق
تحياتي لكـ ودمت بخير,,,,
ذيب الغداري
04-13-2010, 02:12 PM
اصبحت عقب الحقايق ظلم بوش
والصراحة قولها فيه اندهاشه
صح لسانك يابو عبيد قصيده رائعه جدا من راس شخص رائع ,,,اعجبني البيت اعلاه كثيراً
الحر الصائد
04-13-2010, 04:34 PM
صار ولد اللاش في اللازم يشوش
والحرار الصيرميه في عشاشه
(( أخــ عقاب عبيد ــــي ))
بيض الله وجهك أبا عبيد على هذهـ الرائعه الجزله ونتطلع للمزيد 000 دمت بعافيه ويسلم راسك ,,,,,,,,,,,,,,,,,,,,,,,,
سفر مقبل
04-26-2010, 07:03 AM
ابوعبيد صح السانك