مشاهدة النسخة كاملة : الشاعر الكبير والراوي القدير / محمد بن حويل
محمد بن حويل بن علي المقرني الشفيعي
لا اعتقد اننا بحاجه ان نعرف هذا العلم المعروف وإليكم احد قصائده والتي ممكن ان تكون نقطة غيث
في ديوان يحتوي قصائد ومرويات بن حويل
أنا سمعت علوم مـن ليـت الاول
اتذكر القلب الشقاوي هـل الطيـب
فالوقـت هـذا والله انـك تهـول
وقت الرخاء لكن فيـه العذاريـب
راع الشداد اللي على الكور حـول
وركب الشداد اللي منـول منيديـب
وعود مع التالين مـن كـان الاول
وتقدم اللي ما يعـرف المواجيـب
واليـوم فالأوطـان قـام ايتجـول
اللي زمان فات يجفل مـن الذيـب
وقتٍ مضى نسمـع كـلامٍ مقـول
واليوم جابته الليالـي بعـد غيـب
والبل قنوها العالـم اللـي منـول
أبوانهـم عنـد العجايـز مناديـب
نبت الزهر عقب الدهر مـا يطـول
أيـام وتـروح الليالـي شلاهيـب
لا بد الاول عقـب وقـت ايتحـول
والشمس تطلع فوق الأوطان وتغيب
ابوسلطان
07-18-2009, 01:41 PM
علم معروف ومن اعلام القبيلة شكرا لك ياعفار علي هذا النقل
البارحه ونيت يوم انتحى الليل=واقنب كما ذيبٍ تقانب اجنوبه
ماغير افكر باليال المقابيل=والامر كايد والعرب مادروا به
واجحد واجاحد في ضميري ولاويل=واضحك وقلبي فيه مثل الشبوبه
على هنوفٍ ذوقتني بهاذيل=سبع اسنواتٍ بالحبال امغصوبه
حاولتهم بالمال والحال والحيل=واثر الطريق مسكراتٍ دروبه
والصبر غلق والضماير مغاليل=والسر اهل جمع النمايم حكوا به
وانا بلايه من هل القال والقيل=والناس طرّاد الهوى برقوا به
يازين ياللي تدعج العين بالميل=عرضت عرضي للملا واهرجوا به
وذبحتني باوصاف زين التعازيل=والله خلقك النا عذاب وعقوبه
بنجل العيون اللي هدبهن مضاليل=عيون حرٍ في الهداد اقنصوا به
قاسيت منهن يالحبيب غرابيل=وسطن بقلبي والعرب ماسطوا به
والخد براقٍ سرى له تشاعيل=من يمّة المشرق انقرته هبوبه
والا يشادي ساطعات القناديل=لنبات قصرٍ للموك اسكنوا به
وعلى الجدايل ينثر المسك والهيل=سبيب صفراً للطراد امعصوبه
هايم بطن والعنق يزهى الخلاخيل=ضامر عسيفٍ من مناسب ضروبه
والردف يشدي نابيات الغراميل=واليا مشى يطوي عن الساق ثوبه
وجوابه احلى من درير الاباهيل=اللي بها واد الرشا ربعوا به
اشكي على نياف منصى المشاكيل=اليا جات صعبات الامور احسبوا به
نياف بن نماس ذيب الرياجيل=من لابةٍ يوم الطراد امحسوب
الاد سامر يوم وقت المحاويل=كم فارسٍ من سابقه حولوا به
وان قام عج الخيل مثل المخاييل=الشيخ من بين الجموع اطرقوا به
ربعٍ ليا ركبو على كنس الحيل=طرش العدا في حزّة الضيق جو به
وان زرفل المظور وانقضّت الخيل=ردّوا على الشيخ الكبير ورموا به
الذيب يشبع عقبهم في المداهيل=ورجالهم يوم الحرايب يلوبه
عيّات عرّافٍ عصاةٍ دواليل=والمجد مابين الرجال اشمخوا به
واليوم يانيّاف جتك المراسيل=من شاعرٍ تعرف لك الله اسلوبه
مرد الشاعر نيّاف بن نمّاس على الشاعر محمد بن حويل العصيمي
سر ياقلم وانا عليّ التفاصيل=من هيض بالي مالحقني صعوبه
حييت ياخطن لفا به تماثيل=ذكر عليّ هموم قلبٍ تلوبه
من شاعرٍ يعرف كما الجدي وسهيل=وذكره وصل غرب الديار وجنوبه
ابو مشاري زبن من حده الويل=زبن الجناه اليا جنوا والتجوا به
وبيته لعصمان الشوارب مداهيل=وهيف السمين اللي كبارٍ اعصوبه
من لابةٍ تعرف كما شاطي سهيل=ودقلاتهم بين الجموع مهيوبه
واليا تعلوا فوق حيلٍ مراميل=تضرب بهم شيب النضا كل جوبه
واليا بدا السبار روس الاقاذيل=وعط الصياح وزرفل الركب صوبه
يروون حد المرهفات المصاقيل=وكم شيخ قومٍ في الطراد احذفوا به
واللي نعد بكاسبين التنافيل=صحيح قولي والحضور اشهدوا به
وان كان تشك الود يامحمد حويل=وتقول قلبك من فؤادك غدوا به
اطلب وحنا ياعذاب المعاميل=المال تحت رضاك يرخص وجوبه
تحت الطلب والمال يدفع بلا كيل=والجاه نصخي به لرجل العروبه
وندفع عليهم من رجال المواصيل=اللي سنام المجد قد اعتلوا به
وان كان عيوا ماوراهم محاصيل=خله يولي والعوض في غيوبه
وانا جرالي ماجرالك من الشيل=من واحدٍ مامرني غار نوبه
من سبّته ودموع عيني هماليل=تذرف كما عدٍ تجاذب اغروبه
وحالي نحل ماباقي الا سماليل=دوبه يقوم بباقي الجسم دوبه
والوقت طال وفات بعض المحاويل=والصبر غلّق والحبيب انتحوا به
ياقل شكله ياعرب في هذا الجيل=عين اشقرٍ باعلى الجبال اشبكوا به
والصدر يزهى فيه مثل الفناجيل=والخد براقٍ تدلّت انصوبه
وتحت الشفايا الحمر غرٍ مذابيل=واليا مشى في مشي خلي عجوبه
ومن دونها حالوا رجالٍ حلاحيل=بين الرجا والياس ناسٍ عصوا به
وصبرٍ على الدنيا ليا صار به ميل=احسن من اللي عهدم ماوفوا به
وان كان صادك في هواهم محابيل = تمشي بدربٍ والعرب قد مشوا به
وختامها مني تحية وتهليل = عداد من طافوا وسعيٍ سعوا به[/poem][/poem]
طلال العصيمي
07-21-2009, 01:51 AM
سلمت ياابن العم وبارك الله فيك
صالح فهد
07-21-2009, 08:01 PM
شكرا ياعفار
العمده
07-23-2009, 10:29 AM
يعطيك العافيه عفار وشكرآ لك
احترت في عد الليال المكاويـع &&& وصارت محبتنا علينا بـلاوي
بيني وبين مخوتمات الاصابيع &&& عقد ا لحبال اللي ورها دعاوي
اسّد ريـع وينفتح لي مية ريع &&& والحبـل مابين الثنين متقاوي
لا والله الا صلع العلم تصليع&&& وطال الزمان وباح سد الهواوي
بغيت اكن العلم مير الخبر ذيع &&& لكن انا ماني براعي ملاوي
لكن ابا اوصف حسين التطابيع &&& وانا ليا وصفت ماني بغاوي
فيها من الضبي المعاود تناويع&&& اللي تربّا في عروق المطاوي
الريح جاها مع هبوب الذعاذيع &&وسمعت ونس وهيّه ب /دوٍ خلاوي
ومن الصقور الشقر فيها مواضيع&&& فيها عيونٍ من عيون النداوي
وفيها من الخيل الاصايل تناويع &&& قرنٍ كما ذيل الكحيله رهاوي
سبيب شقراً لبّست للمداريع&&& ليا شعشعت بنت الحصان العلاوي
ماتقضب الا بالحلق والمصاريع &&& ليا زعزعوا صوتٍ طويل وعزاوي
وفيها وصوفٍ من العيال القواطيع&&& ذرعان منعوراً يدوس الحراوي
وفالصدر شئاً كالزبيدي مطاليع &&& مثل الزبيدي فالقرار العذاوي
والخد براقٍ سراله تلاميع &&& سيله يشقشق نابيات النزاوي
خيّل ورفا وجاله شعاشيع&&& وسكر هواه وجا لبرقه تضاوي
ياشبه عفراً تيهت فالمرابيع &&& ترعا طنـف مارددوها الشـواوي
حبه رعا قلبي بليا تسانيع&&& رعيَ الدبا فاطراف وادٍ سناوي
حبه مسوي في ضميري مشاريع &&& بين الضلوع الحانيات متساوي
حبه شعاني شعي كسب الطماميع &&& شعي القطيع اللي شعاه العطاوي
قشعان ابن زايد بعيد المراميع &&& ياما اغتنا في غـزوته من فــداوي
تتل قلبي تل ركبٍ مخاديـع &&& تـتلني تلــت ركيـب الفـراوي
هجنٍ عليها من شحمها زعازيع &&& ينحونها مع خوف والليل ضاوي
وليا عذلّـت ازريت لاسمع ولا اطيع &&& ولاينعذل قلبٍ لك الله نحاوي
حبٍ على وضح النقا ياجريبيـع &&& ماهو بحبٍ اللي من العقل داوي
ياما تمنيـته ليال وتسابيـع &&& لكـن واللـه ماتفيــد المنـاوي
اقنب كما ذيبٍ سرا له لعا ليـع&&& اللي من المضوى حداه الضراوي
وراه شاويٍ يكيل المقاميع&&& الكلب يخبـِر واحتمى المرح شـاوي
ماني بمصروعٍ يباله مصاريع&&& انا شقاويٍ يبي له شقــاوي
لشاعر/// محمد بن حويل العصيمي
ماني بمصروعٍ يباله مصاريع&&& انا شقاويٍ يبي له شقــاوي
صح لسان ابو مشاري
انا احب هالقصيده يااااااااااحد
الله يهديك منزلها العصر مع الاذان وحنا صايمين ( صرت انت العاشق ماهو طلال العصيمي)
[
الله يهديك منزلها العصر مع الاذان وحنا صايمين ( صرت انت العاشق ماهو طلال العصيمي)[/quote]
العشق قد شّدد كبار الضلاعين***هذا قطن شدت يمه طمّيه
والف شكر لك ياعفار على المرور والتعليق الجميل
العصيمي
09-03-2009, 03:50 PM
لاهنت على هالقصيدة اللى قريت ابياتها بيت بيت
رائعه واحييك على اختيار
صقر511
09-04-2009, 02:39 AM
وفالصدر شئاً كالزبيدي مطاليع &&& مثل الزبيدي فالقرار العذاوي
صح لسان بن حويل ومشكور على النقل ياحد
ابوسلطان
09-04-2009, 03:12 AM
الحين صدق عفار وطلال طلع براءه والله معاد ندري من العاشق سلمت يالحد وصح لسان بن حويل
لاهنت على هالقصيدة اللى قريت ابياتها بيت بيت
رائعه واحييك على اختيار
اهلا وسهلا يالعصيمي
وفالصدر شئاً كالزبيدي مطاليع &&& مثل الزبيدي فالقرار العذاوي
صح لسان بن حويل ومشكور على النقل ياحد
ارحب ياصقر511
والف شكر على مرورك
الحين صدق عفار وطلال طلع براءه والله معاد ندري من العاشق سلمت يالحد وصح لسان بن حويل
والله الظاهر ان كلنا في الهوى سوى
من ولعّنه تلع الارقاب بشفوف=شرب الهوى والنفس صابه رهوفه
لا شاف زول مخصرٍ متن وردوف= اصاب قلبه بالرهق والرهوفه
تنطح بنهدينٍ على صدره وقوف = وثوبٍ يطونه مقاطع ردوفه
شكرا على مرورك ياغالي
ذيب الغداري
09-04-2009, 10:00 PM
صح السان الشاعر وماقصرت يالحد اختيار ينم على الذوق الرفيع ويوشي على الحروف التي ينقصها التنقيط !!!!!!
ولكن الروعه الفائقه والتي أسرت ناظري وشلت تفكيري كلياً لبرهة من الزمن تكمن في البيوت أدناه.
من ولعّنه تلع الارقاب بشفوف=شرب الهوى والنفس صابه رهوفه
لا شاف زول مخصرٍ متن وردوف= اصاب قلبه بالرهق والرهوفه
تنطح بنهدينٍ على صدره وقوف = وثوبٍ يطونه مقاطع ردوفه
تصوير يفوق مخيلتي ويرهق قدرة الابداع لدي
صح السان الشاعر وماقصرت يالحد اختيار ينم على الذوق الرفيع ويوشي على الحروف التي ينقصها التنقيط !!!!!!
ولكن الروعه الفائقه والتي أسرت ناظري وشلت تفكيري كلياً لبرهة من الزمن تكمن في البيوت أدناه.
من ولعّنه تلع الارقاب بشفوف=شرب الهوى والنفس صابه رهوفه
لا شاف زول مخصرٍ متن وردوف= اصاب قلبه بالرهق والرهوفه
تنطح بنهدينٍ على صدره وقوف = وثوبٍ يطونه مقاطع ردوفه
تصوير يفوق مخيلتي ويرهق قدرة الابداع لدي
اخي العزيز //البدر
شكرا لك
وانا ياعزيزي الحد ولست ابا الاسود الدولي
العمده
09-06-2009, 03:35 PM
حبٍ على وضح النقا ياجريبيـع &&& ماهو بحبٍ اللي من العقل داوي
ياما تمنيـته ليال وتسابيـع &&& لكـن واللـه ماتفيــد المنـاوي
اقنب كما ذيبٍ سرا له لعا ليـع&&& اللي من المضوى حداه الضراوي
وراه شاويٍ يكيل المقاميع&&& الكلب يخبـِر واحتمى المرح شـاوي
ماني بمصروعٍ يباله مصاريع&&& انا شقاويٍ يبي له شقــاوي
صح السان ابن حويل
وبيض الله وجهك الحد شكرآ لك
حبٍ على وضح النقا ياجريبيـع &&& ماهو بحبٍ اللي من العقل داوي
ياما تمنيـته ليال وتسابيـع &&& لكـن واللـه ماتفيــد المنـاوي
اقنب كما ذيبٍ سرا له لعا ليـع&&& اللي من المضوى حداه الضراوي
وراه شاويٍ يكيل المقاميع&&& الكلب يخبـِر واحتمى المرح شـاوي
ماني بمصروعٍ يباله مصاريع&&& انا شقاويٍ يبي له شقــاوي
صح السان ابن حويل
وبيض الله وجهك الحد شكرآ لك
وجهك ابيض يالعمده
ياما تمنيـته ليال وتسابيـع &&& لكـن واللـه ماتفيــد المنـاوي
[/quote]
.................................................. ........................
سعود فلحان النداح
10-07-2009, 05:14 AM
صح لسان الشاعر العلم والراوي القدير / محمد بن حويل العصيمي
قصائد جميلة جدآ وفي قمة العذوبة والروعة ولا يملها المتصفح
شكرآ لك أخي عفار والشكر موصول لأخي الحد على الإضافة
وتقبلوا مروري وتحياتي
ودمتم بخير,,,
ابن عاصم الشمالي
01-07-2010, 10:32 PM
عفار
جـــــــــــــــــهد مميز ومشكور على ماقدمت
تقبل تحياتي
ولد الذيب
11-26-2010, 07:46 PM
الله يعطيك العافيه