مشاهدة النسخة كاملة : بن خشمان
بسم الله الرحمن الرحيم
السلام عليكم ورحمة الله وبركاته :
انضم الى مجالسنا عضو يعجز القلم عن تسطير كلمات تليق بهذا العضو
منصور بن حمود بن خشمان
وهنا بعض قصائده التي اعجبتني وحبيت مشاركتكم بها
يالا لالـه لال يـالا لـه ولالـي
ولـول الولـوال ياليلـي وويلـي
من يـدل الدلـو وادلـي دلالـي
دلتن تجلـى بتـال الليـل ليلـي
حال حالي حل وانحـل الحلالـي
مايحل الحايـل الحـول الحليلـي
فلـه الله فـال واوفيلـه وفالـي
مايفـل الفـال فـوال وفليـلـي
قال قول وقلت قيل وقـال قالـي
قلقـل القـول وتقلقـل بالمقيلـي
خلخل الخلخال خـلال الخوالـي
مايخـل الخيـل خلـه مايخيلـي
جلجل الجـوال ماجـل الجلالـي
ينجل الجمـال ماجـل الجليلـي
سال سيلي من يسد السيل سالـي
سلسبيل السيل مع سيل المسيلـي
والعصيمي صال يصلى منه صالي
صامل الصملات ماصم الصميلي
لابتـي لابـه وبانلهـا وبـالـي
للبلابـل تنبـل الوابـل بميـلـي
عال عالي عزوتي عال العلالـي
علم العاقـل علومـي ياعميلـي
زلزلوها زلزله مـن زل زالـي
لو يزل الزول من زلـه يزيلـي
يالالالـه لال يـالا لـه ولالـي
الجميل اجمل ويازيـن الجميلـي
جيتكم ياربعنا حازم حزامي
حازمه حزمن بقطمان المحازم
الرجال اللي لهم كل احترامي
اصغر اعصيمي على رتبة ملازم
من صميمي جيت ابلغهم سلامي
السلام اللي علي اليوم لازم
عزوتي فيهم عزيزين وكرامي
كنهم غيمن من الهيلا ترازم
ربعي اللي من طبيعتهم حشامي
حشد واحد مثل بنيانن تلازم
صف واحد في وقار وفي تمامي
قلبهم دون الكرامه دوم جازم
روحهم دايم على اعصيم وعصامي
قلبهم من شدة العزوه تعازم
مايهم اهروج من شق السنامي
الحسود اللي يدور للملازم
دام تاريخي عصيمي يالحرامي
فانت مهزومن وانا بالحيل هازم
ناكر المعروف يالنجس المرامي
تشهد الحيه على فعل المكازم
ويشهد مزاين عتيبه بالخيامي
والتلاحم والتكاتف والتلازم
حط بعيون المقرد عود شامي
ماعلينا من قزيم ومن مقازم
بان فعل ربوعنا والحظ قامي
بالشيوخ اللي لهم فعل ومجازم
من يقول ان القمر غايب تراه
مايعرف الشمس ونجوم السهر
لو تغيب الشمس ماغيم سماه
تكشف القمرى نواوير القمـر
اشهد انه حط في قلبي عصاه
ساق قلبي سوق عساف المهر
حبه اللي حط في قلبـي بـلاه
مايزيح الحب من قلبي بشـر
اشغل القلب المعنى في شقـاه
آه واويلاه مـن ويـل الدهـر
ياخدود التين وعيون المهـاه
اسألـك بالله تغضـي بالنظـر
تجرحين القلب لين اظهر خفاه
لعنبو حبن يجي منـه القهـر
تسأليني ليه دمعي من شقـاه
صار يزخر مثل زخات المطـر
المتيم ماحصـل منـك كفـاه
شوف دمعه ينحدرلك وانهمـر
ماحنى راسه ولا ضيع غـلاه
وانت ضيعت الاماني والعمـر
زولك اللي وسط راسه مانساه
يذكرك في كل لحظه مستمـر
ارحمي حالي ترى حبك بـراه
حتى صار اليوم بحساب الشهر
لاتوديـن المولـع منتـهـاه
ارفقـي لاتستهينيـن العمـر
صقر511
10-29-2009, 11:23 AM
((( مـنـصـور بن حـمـود بن خــشـمـان )))
قصائده.. جزلــه .. ووآفيـــــه .. وفــي منتهــى الروعــــه ..
صـ ـ ألسآنك ـ ـح .. وسلـ ـ بنانك ـ ـم .
.. ودآم شموخ قلمكـ يابو حمود
تقبل مروري .. وسجل إعجآبـي .
كل الشكر الى صديق الجميع (ابــو رامي)الذي يحتفض بقصائد شعراء القبيله
دمت لنا يــاعــفــــار
سعود فلحان النداح
10-29-2009, 11:24 AM
أخي العزيز عفار بارك الله فيك وفي جهودك
وصح لسان الشاعر / منصور بن خشمان على هذه القصائد
الجزلة والرائعة وننتظر المزيد والجديد من قصائده في المجالس
وياليت فقط تهتمون بالتنسيق الجيد للقصائد لتكون جاذبة بشكل أكبر
تحياتي لك ودمت بخير ,,,
صح لسان الشاعر منصور
وسلمت ياعفار على نقلها
ذيب الغداري
10-29-2009, 03:36 PM
صح السانك يامنصور.
أحساس رفيع جداً.
شكراً عفار
منصور بن حمود بن خشمان
10-30-2009, 01:57 AM
عفار صديق الجميع .............الوفا طبعك ..والمراجل سماتك..اشهد انك رفيقن مرتفع مستواه....يعجز قلمي عن ذكر صفاتك فأنت النبل والوفاء والعز والشموخ ......انت القلم اللذي لايجف والكتاب اللذي لايمل اشكرك كل الشكر ونقلك لبعض قصائدي واعجابك بها اعتبره وسام على صدري عنوانه الوفاء .........لك مني كل تقدير واحترام
طلال 2009
10-30-2009, 06:49 AM
قصائد جزله صح لسان شاعره ابن خشمان ومرحبا به في مجالس العز والنوماس
الشكر كل الشكر لصديق الجميع ابو رامي
ذيب الغداري
10-30-2009, 01:28 PM
اسف على تطفلي على القصايد وتنسيقها ولكن امل منكم السموحة
منصور بن حمود بن خشمان
10-30-2009, 01:36 PM
ذيب الغداري ...........سلمت يمينك والله يجعلها طايله هاليوم ودوم ....تحياتي وتقديري لشخصكم الكريم
شكرا لكل صديق مرّ هنا
منصور هذا واجب علينا حللت ضيفا على مجالسنا ولبيت دعوتنا تستاهل أكثر واليوم انت راعي محل حياك الله
ذيب الغداري
انت راع الأوله
كما انني اعرف انه من واجبنا العنايه بمجالسنا ودورنا كإداره ومشرفين هو خدمة الجميع كما اننا نعاني مشكله في الصندوق الماسي لانه يطلب كتابة القصيده ليقوم بتنسيقها ولايقبل المنسوخ والادمن والإداره عندهم خبر ونحاول جادين عمل اللازم..
لك مني كل تقدير وإحترام